Міністэрства аховы здароўя распрацавала банк даных медыцынскіх арганізацый, куды пасля вучобы могуць пайсці працаваць студэнты з вышэйшай медыцынскай і фармацэўтычнай адукацыяй, якія адвучыліся па мэтавым накіраванні.

Пастанову №35 Міністэрства аховы здароўя прыняло яшчэ ў лютым, аднак апублікавала яе на Нацыянальным прававым інтэрнэт-партале толькі 5 красавіка.

Дакумент вызначае арганізацыі-заказчыкі кадраў, якія зацікаўлены ў мэтавай падрыхтоўцы спецыялістаў – сваіх будучых работнікаў.

Перш за ўсё, медкадры патрэбны:

*у абласныя цэнтры гігіены, эпідэміялогіі і грамадскага здароўя, а таксама Мінскі гарадскі цэнтр гігіены і эпідэміялогіі;

*для прадпрыемства "Белфармацыя", абласных арганізацый "Фармацыя", сталічнай "Мінскай Фармацыі" і рэспубліканскага прадпрыемства "Цэнтр экспертыз і выпрабаванняў у ахове здароўя";

*для галоўных упраўленняў па ахове здароўя аблвыканкамаў, а таксама ў камітэт па ахове здароўя Мінгарвыканкама.

Акрамя таго, калі ёсць патрэбнасць, заказчыкамі кадраў дадаткова могуць выступаць:

*дзяржаўныя арганізацыі аховы здароўя сістэмы Мінспорту;

*установы стацыянарнага сацыяльнага абслугоўвання;

*РУП "БелЛекаЦэнтр";

*Рэспубліканскі клінічны медыцынскі цэнтр Кіраўніцтва справамі прэзідэнта Беларусі.

Інфармацыю аб колькасці мэтавых месцаў медыцынскія ўніверсітэты краіны публікуюць да 1 мая. Аднак вядучы медвуз рэспублікі БДМУ ужо назваў колькасць мэтавікоў, якіх плануе прыняць у 2023 годзе.

Лячэбны і педыятрычны факультэты маюць намер набраць 144 мэтавікі, стаматалагічны – 128, медыка-прафілактычны – 66, фармацэўтычны – 30.

Нагадаем, што зараз ВНУ медыцынскага профілю могуць залічваць да 70-80% мэтавікоў ад усёй колькасці бюджэтнікаў. Звязана гэта з тым, што краіне ўсё больш неабходны медкадры.

Мінск, 9 красавіка 2023
Sputnik