Як паведамляе прэс-служба прэзідэнта, дакументам прадугледжваецца кампенсацыя з рэспубліканскага бюджэту 50% мытных пошлін, падаткаў, якія падлягаюць выплаце пры ўвозе на тэрыторыю Беларусі аднаго легкавога аўтамабіля на працягу года, асобам, якія маюць інваліднасць I альбо II групы, а таксама шматдзетным сем`ям.

"Дадзеная мера накіраваная на аказанне сацыяльнай дзяржаўнай падтрымкі названым катэгорыям грамадзян, сярод якіх маецца значная колькасць малазабяспечаных", — гаворыцца ў паведамленні.

Аляксей Арэшка, БелаПАН
Мінск, 10 красавіка 2019