Урад Беларусі зацвердзіў пералік небяспечных адходаў, здзелкі аб перадачы якіх трэба рэгістраваць, такая інфармацыя з`явілася на сайце Савета міністраў.

Адпаведная пастанова Саўміна №36 была прынята 22 студзеня 2020 года. У адпаведнасці з дакументам, здзелкі аб перадачы небяспечных адходаў, а таксама аб адчужэнні іх іншай юрыдычнай асобе ці індывідуальнаму прадпрымальніку неабходна рэгістраваць.

У спіс небяспечных адходаў ўвайшлі некалькі сотняў найменняў. Гэта пратэрмінаваныя прадукты харчавання, адходы вытворчасці цукру, ападкі вінаробства, адходы вытворчасці эцілавага спірту і кармавых дрожджаў.

Таксама ў яго ўваходзяць адходы пуху і пяра, шкур і мяхоў, розныя шламы, адходы паперы і попелу. Дзеянне пастановы распаўсюджваецца на шклабой, акумулятары і батарэйкі, адходы лекавых прэпаратаў, ртутныя тэрмометры многія іншыя.

Пастанова прынята ў адпаведнасці з законам "Аб абыходжанні з адходамі". Яна ўступае ў сілу з моманту яго афіцыйнага апублікавання.

Мінск, 24 студзеня 2020
Sputnik