«Канчаткова вырашана пытанне аб пералічэнні другога траншу дзяржаўнага крэдыту. Дасягнута дамоўленасць аб адкрыцці новых рэйсаў „Белавія“ ў расійскія гарады», — гаворыцца ў паведамленні.

Як паведамлялася, паступленне другога траншу расійскага крэдыту ў $500 млн чакалася ў I паўгоддзі.

Пагадненне аб прадастаўленні Беларусі расійскага крэдыту ў суме, эквівалентнай $1 млрд, было падпісана 21 снежня 2020 года. Першы транш крэдыту ў памеры $500 млн Мінфін Беларусі атрымаў 30 снежня мінулага года.

Прэзідэнт Беларусі прыбыў напярэдадні з рабочым візітам у Расію. У гэты ж дзень вечарам у рэзідэнцыі Бачароў Ручай ў Сочы адбыліся перамовы лідараў дзвюх краін, якія працягваліся больш за пяць гадзін.

У пачатку сустрэчы Аляксандр Лукашэнка і Уладзімір Пуцін традыцыйна абмяняліся заявамі, павіталі адзін аднаго, адзначыўшы рост супрацоўніцтва Беларусі і Расіі ў розных сферах і выказаўшы надзею на замацаванне станоўчых трэндаў. Кіраўнік беларускай дзяржавы праінфармаваў свайго калегу аб сітуацыі вакол інцыдэнту з самалётам Ryanair. Ён выказаў упэўненасць, што атрымаецца пераадолець выклікі і знешні націск.

Частку ўчорашніх перамоваў прэзідэнты правялі за працоўнай вячэрай і чаяваннем.

29 траўня Аляксандр Лукашэнка і Уладзімір Пуцін працягнулі размову ў нефармальнай абстаноўцы.

Звязда, 29 траўня 2021