З боку Беларусі і Расіі падпісаны планы мерапрыемстваў па рэалізацыі палажэнняў Дагавора аб стварэнні Саюзнай дзяржавы на 2024-2026 гады. І, паводле слоў пасла, на перыяд да 2026 года "ўсе пытанні ў газавай сферы вырашаны", у тым ліку па адным з найбольш значных - цэнаўтварэнні.

А вось умовы на перыяд пасля 2026 года абмяркоўваюцца бакамі цяпер. "Пасля 2026 года (ужо аб гэтым ідзе на сённяшні дзень размова) якімі будуць прынцыпы цэнаўтварэння на прыродны газ і на расійскую нафту. З`явіўся шэраг новых, дадатковых момантаў, што патрабуюць адпрацоўкі на ўзроўні экспертаў. Але глабальна прэзідэнтамі пастаўлена задача ў адпаведнасці з планамі, якія яшчэ ў студзені былі падпісаны, каб мы на ўзроўні ўрада гэтыя пытанні даціснулі", - сказаў Дзмітрый Крутой.

"З 2026-га ў рамках падпісаных асноўных напрамкаў (і прадугледжаных там падыходаў да цэнаўтварэння.) ад дасягнутага ўзроўню мы павінны выпрацаваць канчаткова алгарытм збліжэння ў расійскіх рублях цаны на прыродны газ (збліжэння цэн на газ для Беларусі з унутрырасійскімі цэнамі на яго.)", - удакладніў пасол.

24 мая 2024, Мінск
БЕЛТА