Паводле даных дзяржсакратара, 2100 дзяцей Данбаса ў некалькі змен пабывалі на аздараўленні ў Беларусі. "Было дзіўна чуць ад прадстаўнікоў беларускай апазіцыі, якая знаходзіцца зусім не ў сваёй краіне, аб тым, што нехта дазволіў сабе ці то выкрасці, ці то перадаць трэцім асобам тых дзяцей, якія знайшлі новых сяброў на тэрыторыі Беларусі, якім аказалі ўвагу, якія некалькі тыдняў жылі ў камфорце", - сказаў Дзмітрый Мезенцаў.

Ён падкрэсліў, што колькасць дзяцей, якія прыехалі з Данбаса на адпачынак у Беларусь, поўнасцю супадае з колькасцю тых, хто вярнуўся назад. "Мы самым уважлівым чынам сачылі за афармленнем дакументаў, дазволам бацькоў, апекуноў, органаў апекі. І надуманасць гэтай падставы, незразумеласць яе - гэта яшчэ адно пацвярджэнне: што б мы ні рабілі з самых гуманных і самых высокіх намераў, нашы непрыяцелі гатовы замазаць гэта чорнай фарбай, прыніжаючы перш за ўсё саміх сябе, вылучаючы надуманыя падставы і прычыны, толькі б захоўвацца ў палітычным полі барацьбы з Беларуссю і Расіяй", - адзначыў ён.

"Мы будзем гэта рабіць: дапамагаць дзецям, абараняць праўду, прад`яўляць грамадскасці нашых краін, а калі трэба і замежжа, абсалютна дакладныя факты, якія выкрываюць усю тую хлусню і паклёпы, сведкамі якіх усе мы з`яўляемся", - дадаў дзяржсакратар.

Ён таксама нагадаў, што ў мэтах выканання рашэння Вышэйшага дзяржсавета Саюзнай дзяржавы з саюзнага бюджэту былі выдзелены сродкі на аказанне гуманітарнай дапамогі ўстановам адукацыі і дзецям Данбаса.

20 кастрычніка 2023, Масква
Эдуард Півавар - БЕЛТА