Пра гэта паведаміла ўпраўленне інфармацыі і грамадскіх сувязяў МУС Беларусі.
17 мая ў Мінску будзе падпісаны пратакол аб унясенні змяненняў у міжведамасны пратакол па рэалізацыі беларуска-расійскага міжурадавага дагавора аб выкарыстанні міграцыйнай карты адзінага ўзору.
Плануецца, што дакумент будзе падпісаны пасля сустрэчы намесніка міністра ўнутраных спраў Беларусі Мікалая Мельчанкі з намеснікам дырэктара Федэральнай міграцыйнай службы РФ Анатолем Кузняцовым.
Падпісаннем дакумента юрыдычна замацоўваецца эксперымент па афармленні і выдачы міграцыйных карт у кабіне пашпартнага кантролю з выкарыстаннем друкаваных прылад (г.зн. запаўненне кампетэнтнымі органамі Расіі міграцыйных карт электронным спосабам), які праводзіцца з 2008 года ў міжнародным аэрапорце Расіі Унукава.
Вячаслаў Будкевіч,
БелаПАНМінск, 15 мая 2012
