"Нам трэба абмеркаваць, што адбываецца з нашым тавараабаротам, і аднавіць яго пікавыя значэнні, якія ў 2012 годзе перасягалі $43 млрд", - сказаў Андрэй Кабякоў.

Паводле яго слоў, у 2014 годзе аб`ём узаемнага гандлю склаўся на ўзроўні $37 млрд.

Прэм`ер-міністр Беларусі падкрэсліў, што адмоўныя тэндэнцыі, якія намеціліся ва ўзаемным гандлі, адбыліся з-за аб`ектыўных і суб`ектыўных прычын. Ён адзначыў, што эканамічныя складанасці патрабуюць таго, каб урады Беларусі і Расіі скаардынавалі свае дзеянні. У сувязі з гэтым беларускі бок прапануе разгледзець двухбаковы план узаемадзеяння ў сферы эканомікі, які можна было б прыняць на бліжэйшым пасяджэнні Вышэйшага Дзяржсавета Саюзнай дзяржавы. У ім будзе змяшчацца шэраг сур`ёзных мер па ўзгадненні макраэканамічнай палітыкі і ліквідацыі існуючых бар`ераў ва ўзаемным гандлі.

Андрэй Кабякоў выказаў надзею, што расійскі бок таксама падтрымае падрыхтаваны Беларуссю праект дакумента аб вызначэнні еўразійскага паходжання тавараў у ЕАЭС.

"Беларусь і Расія заўсёды былі лакаматывам інтэграцыі на постсавецкай прасторы", - рэзюмаваў Андрэй Кабякоў.

5 лютага 2015, Масква
Эдуард Півавар - БЕЛТА