"Білеты рэалізуюцца ўжо амаль на працягу месяца. На сённяшні дзень на іх продажы зароблена Br20 млрд. Гэта значны складальнік даходнай часткі фестывалю", - сказаў Аляксандр Сідарэнка. Традыцыйна высокі інтарэс гледачы праяўляюць да канцэртаў адкрыцця і закрыцця, сольных выступленняў зорак. Даволі актыўна вядзецца рэалізацыя білетаў і цяпер.

Гаворачы пра іншыя лічбы, міністр культуры Беларусі Барыс Святлоў падкрэсліў, што, як і раней, форум мае моцную дзяржаўную падтрымку. У гэтым годзе яна склала Br8 млрд. 387 млн. Акрамя таго, фестываль фінансуецца за кошт сродкаў Саюзнай дзяржавы, з бюджэту якой у бягучым годзе было выдзелена амаль 24,9 млн. расійскіх рублёў.

XXII Міжнародны фестываль мастацтваў "Славянскі базар у Віцебску" пройдзе з 11 па 15 ліпеня. Удзел у ім прымуць артысты з 31 краіны. Фестывальную акрэдытацыю атрымаюць каля 5 тыс. чалавек. Падзеі форуму будуць асвятляць больш як 500 прадстаўнікоў СМІ з 14 краін. Праграма фестывалю ўключае 60 мерапрыемстваў, якія адбудуцца на 13 творчых пляцоўках горада.

11 ліпеня 2013, Віцебск
Вольга Багачова - БЕЛТА