https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


III Рэспубліканскі конкурс-фестываль RoskvitBY абвясціў аб старце прыёму заявак


Мерапрыемства пройдзе 31 кастрычніка і 1 лістапада ў Магілёве. Заяўкі могуць падаць усе жадаючыя на сайце festivali.by да 21 кастрычніка бягучага года.
— Для кожнага творчага чалавека вельмі важна паказаць свой талент знакамітаму журы, рэжысёрам, прадзюсарам, прадстаўнікам культуры і ўладам горада, быць заўважаным і ў далейшым запатрабаваным у канцэртах і праектах рознага ўзроўню. Наш конкурс-фестываль накіраваны менавіта на прадастаўленне такой магчымасці. Конкурс праходзіць у пяці намінацыях: вакальная, харэаграфічная, інструментальная, тэатральная і выяўленчая творчасць. Лепшым у кожнай з намінацый мы стараемся забяспечыць магчымасць развіцця. Напрыклад, удзельніца першага RoskvitBY Ілона Камоска ў гэтым годзе будзе ўжо вядучай, а ўладальнікі Гран-Пры запрошаны на прэс-канферэнцыю з удзелам аргкамітэта і СМІ, — расказаў аўтар праекта Аляксандр Лаўрыновіч.

RoskvitBY сёлета падтрымлівае Магілёўскі гарадскі выканаўчы камітэт. Актыўны ўдзел у рэалізацыі праекта прымае намеснік старшыні гарвыканкама Ала Галушка:

«Праект становіцца важным як для культуры, так і для горада ўвогуле. У трэці раз да нас у Магілёў прыедуць таленавітыя ўдзельнікі з усёй краіны. І ў чарговы раз Магілёў гасцінна сустрэне гасцей. Аргкамітэт конкурсу-фестывалю ўпэўнены, што RoskvitBY стане яркай старонкай у творчай біяграфіі кожнага ўдзельніка», — падкрэсліла Ала Галушка.

Усе канкурсанты атрымаюць фірмовы падарунак і дыплом, а таксама змогуць пазмагацца за галоўны прыз — вадкакрышталічны тэлевізар і званне абсалютнага пераможцы.

Азнаёміцца ​​з Палажэннем і падаць Заяўку на ўдзел можна да 21 кастрычніка на сайце.

Надзея Нікалаева
Звязда, 6 кастрычніка 2020
 
Дата публикации:06.10.2020
Тематика:Культура, Беларусь
Просмотров:40
 
Ключевые слова:
Магілёў Конкурс Фэст культуры
 
 


Комментарии



 



Другие новости по этой теме