Сельскагаспадарчыя арганізацыі Беларусі завяршылі сяўбу азімых збожжавых культур. Пра гэта паведаміла прэс-служба Міністэрства сельскай гаспадаркі і харчавання.
Паводле аператыўных даных, на 2 кастрычніка азімыя збожжавыя культуры на збожжа пасеяныя на плошчы 1,416 млн. гектараў пры плане 1,407 млн. гектараў (101,1%). Заданне па сяўбе азімых збожжавых выканана ўсімі абласцямі, за выключэннем Віцебскай (97,3%).
Як падкрэслілі ў Мінсельгасхарчы, падрыхтоўка глебы і насення пад сяўбу азімых збожжавых культур была праведзена своечасова і якасна, сяўба праведзена ў аптымальныя агратэхнічныя тэрміны паводле рэкамендацый вучоных.
Цяпер сельскагаспадарчыя арганізацыі краіны яшчэ вядуць уборку кукурузы на зялёны корм і на збожжа для патрэб жывёлагадоўлі, уборку гародніны, цукровых буракоў, бульбы. Практычна завершана ўборка грэчкі.
Аляксей Арэшка,
БелаПАНМінск, 3 кастрычніка 2011
