Актыўная грамадзянская пазіцыя, высокі адукацыйны і прафесійны ўзровень, ініцыятыва і прадпрымальнасць сталі неад`емнымі рысамі беларускай сучасніцы.
Найбольшы ўнёсак нашы жанчыны робяць у развіццё такіх сфер, як ахова здароўя і сацыяльнае забеспячэнне, адукацыя і культура, навука і спорт, фінансава-крэдытная сфера і бізнэс.
На працягу ўсёй гісторыі чалавецтва жанчыны захоўваюць утульнасць дамашняга ачага, ствараюць гармонію сямейных узаемаадносін, выхоўваюць дзяцей, натхняюць на подзвігі і працоўныя здзяйсненні.
Няхай ваша прыгажосць, абаяльнасць, душэўная шчодрасць, як жыватворная крыніца, садзейнічаюць стваральнай сіле грамадства.
Міру, шчасця і дабрабыту вам і вашым сем`ям!
Са святам, мілыя жанчыны!
Прэзідэнт Рэспублікі Беларусь
Аляксандр Лукашэнка.
Звязда5 сакавіка 2011
