Асноўнай падзеяй маючага адбыцца фестывалю стане Міжнародны конкурс. Па словах намесніка генеральнага дырэктара Цэнтра культуры «Віцебск» па спецыяльных праектах Марыны Раманоўскай, ужо праведзены адборачны відэатур і 22 калектывы яго прайшлі, хоць паступіла 51 заяўка з 4 краін ад жадаючых удзельнічаць у конкурсе. 

Чакаецца і вялікая Гасцявая праграма. Упершыню ў Віцебск збіраецца прыехаць дзяржаўны моладзевы тэатр песні і танца «Алтай». Абяцаюць, што з пастаноўкай «Рахманінаў». І прысвечана яна вядомаму кампазітару Сяргею Рахманінаву, 150-годдзе з дня нараджэння якога адзначаецца ў гэтым годзе. Цікава, што гэты спектакль паставіў вядомы харэограф Аляксей Растаргуеў Пермскага тэатра «Балет Яўгена Панфілава». А гэты калектыў даўно стаў сябрам фестывалю сучаснай харэаграфіі ў Віцебску. У праграме — вечар, прысвечаны памяці маэстра, якога не стала 20 гадоў таму. Прывязуць «панфілаўцы» і новыя працы. 

У афішы IFMC чакаюцца і іншыя данс-кампаніі з Расіі.

Фестываль вяртаецца ў Віцебск пасля двухгадовага перапынку.

Звязда, 25 кастрычніка 2022