Тарфянікі размешчаны ў Вілейскім, Гарадоцкім, Шаркаўшчынскім, Мёрскім, Смаргонскім раёнах. Таксама на балоце Дакудаўскае ў Лідскім раёне апрабуюць новую методыку паскоранага абнаўлення экасістэм.

Раней такая работа праводзілася на тэрыторыі Магілёўскай вобласці. Па праекце, падтрыманым урадам Рэспублікі Карэя і Канвенцыяй ААН па барацьбе з апустыньваннем, адноўлена больш за 1 тыс. га дэградаваных і неэфектыўна асушаных балот.

Ключавым мерапрыемствам стала забалочванне асушаных тарфянікаў Наркаўшчына Чэрыкаўскага раёна (383 га) і Печанеж Касцюковіцкага раёна (670 га).

У маі бягучага года на тэрыторыі рэгіёна праходзіла маніторынгавая місія прадстаўнікоў сакратарыята Канвенцыі і Міністэрства харчавання, сельскай, лясной гаспадаркі і рыбалоўства Рэспублікі Карэя.

Эксперты высока ацанілі намаганні Беларусі па экалагічнай рэабілітацыі парушаных тарфянікаў. Вынікі праекта плануецца прадставіць восенню на канферэнцыі ААН па барацьбе з апустыньваннем, якая пройдзе ў Індыі, расказаў Андрэй Кузьміч.

Рэабілітацыя парушаных балот дапамагае стабілізацыі ўзроўню грунтавых вод, прадухіленню мінералізацыі торфу і высыхання глеб, скарачэнню выкідаў вуглякіслага газу ў атмасферу, зніжэнню рызыкі лясных пажараў, а таксама павелічэнню колькасці рэдкіх відаў флоры і фаўны.

13 чэрвеня 2019, Мінск
БЕЛТА