Андрыс Ліепа пакажа ў Мінску тры аднаактовыя балеты са знакамітых "Рускіх сезонаў" Сяргея Дзягілева — "Жар-птушка", "Шахеразада", "Бачанне ружы".

26 лістапада на сцэне Нацыянальнага акадэмічнага Вялікага тэатра оперы і балета адбудзецца творчы вечар "Дзягілеў гала ".

Больш за дваццаць гадоў народны артыст Расіі Андрыс Ліепа займаецца адраджэннем балетаў з знакамітых "Рускіх сезонаў" Сяргея Дзягілева.

Сто гадоў таму яны мелі ашаламляльны поспех у Парыжы, Лондане, Рыме і іншых найбуйнейшых еўрапейскіх сталіцах. У пачатку XX стагоддзя рускія танцоўшчыкі Вацлаў Ніжынскі і Тамара Карсавіна, балетмайстар Міхаіл Фокін і мастакі Леў Бакст, Валянцін Сяроў, Аляксандр Бенуа скарылі сваім мастацтвам Еўропу.

На жаль, шырокай вядомасці ў Расіі яны не атрымалі — з-за рэвалюцыі ўсе стваральнікі "Рускіх сезонаў" вымушаныя былі эміграваць.

У 1993 годзе Андрыс Ліепа пачаў адраджэнне трох жамчужын "Рускіх сезонаў" — балетаў "Шахеразада", "Пятрушка" і "Жар-птушка".

Адноўленыя балеты ўвайшлі ў фільм "Вяртанне Жар-птушкі", у якім Андрыс Ліепа выступіў у ролі рэжысёра-пастаноўшчыка, прадзюсара, а таксама выканаў галоўныя партыі ва ўсіх трох пастаноўках. Пасля фільм атрымаў прызы на прэстыжных кінафестывалях у Расіі, Амерыцы, Францыі.

У 2005 годзе Андрыс Ліепа прадставіў гледачам новы праект "Рускія сезоны XXI стагоддзе", які ўключае як рэканструяваныя і адноўленыя спектаклі, так і дасягненні сучаснай расійскай культуры.

На беларускай сцэне ў розныя гады Андрыс Ліепа паставіў тры балета з "Рускіх сезонаў" — "Шахеразаду", "Тамар" і "Жар-птушку".

На творчым вечары ў беларускім Вялікім тэатры будуць прадстаўлены два з іх, а таксама балет "Бачанне ружы", які быў пастаўлены ў беларускім Вялікім тэатры харэографам Раду Паклітару.

Творчы вечар Андрыса Ліепы ў Мінску парадуе гледачоў букетам вядомых імёнаў. Жар-птушку ў аднайменным балеце Ігара Стравінскага будзе танчыць заслужаная артыстка Расіі Аляксандра Цімафеева — прыма-балерына тэатра "Крамлёўскі балет".

Партыю Івана-царэвіча выканае Давід Ананіяшвілі — малады танцоўшчык Грузінскага балета, у якога адно прозвішча з непараўнальнай Ніно Ананіяшвілі.

Сама Ніно, суперзорка сусветнага балета, таксама выйдзе ў гэты вечар на сцэну ў балеце "Бачанне ружы" Карла Марыі фон Вебера.

Яна прыязджае ў Мінск спецыяльна на творчы вечар Андрыса Ліепы, яе шматгадовага партнёра па сцэне. У спектаклі "Бачанне ружы" разам з ёй будзе танчыць малады прэм`ер Вялікага тэатра Расіі Якопа Цісі — у нядаўнім мінулым саліст Венскага дзяржаўнага балета і тэатра "Ла Скала".

Наступны шэдэўр, які будзе паказаны ў рамках творчага вечара, — балет "Шахеразада", які патрос у свой час Парыж. У 1910 году парыжане ўбачылі спектакль па матывах арабскіх казак "Тысяча і адна ноч", і яго поспех паклаў пачатак папулярнасці "Рускіх сезонаў". У спектаклі, які будзе паказаны на беларускай сцэне, галоўныя партыі выканаюць першая салістка балетнай трупы Міхайлаўскага тэатра, выпускніца Беларускага харэаграфічнага каледжа Аліса Содалева і Бахціяр Адамжан — адзін з вядучых танцоўшчыкаў з Казахстана, вядучы саліст балета "Астана опера".

Sputnik, 5 лістапада 2017