За першы квартал 2017 года мытнымі органамі Беларусі спынена 85 фактаў незаконнага перамяшчэння цераз мяжу наркатычных сродкаў і псіхатропных рэчываў, а таксама іншых супрацьпраўных дзеянняў у сферы незаконнага абароту наркотыкаў.

З незаконнага абароту канфіскавана больш за 358 кг наркатычных сродкаў і псіхатропных рэчываў, больш за 210 кг прэкурсораў да іх вырабу, а таксама больш 2.220 адзінак медыцынскіх прэпаратаў, якія маюць у сваім складзе наркатычныя сродкі і псіхатропныя рэчывы.

Згодна са звесткамі ДМК, былі затрыманыя гашыш, марыхуана, какаін, гераін, метадон, марфін, амфетамін.

Аляксей Арэшка, БелаПАН
Мінск, 4 красавіка 2017