Нягледзячы на правядзенне дэнамінацыі і чаканы ўсплёск гэтага віду злачыннасці, у мінулым годзе колькасць правапарушэнняў у гэтай сферы павялічылася ўсяго на 13%. Летась было выяўлена 43 факты падробкі нацыянальнай валюты. У цэлым жа, 93% выкарыстання падробленых банкнот звязаныя з замежнай валютай.

У гэтым годзе ў Смалявіцкім раёне ўжо быў затрыманы мужчына, які ў хатніх умовах займаўся вытворчасцю 20-рублёвых банкнот, у яго было канфіскавана больш за 30 узораў. За апошнія дзесяць гадоў колькасць злачынстваў у сферы фальшываманецтва ўдалося знізіць у два разы. Спецыялізаваных нелегальных друкарняў у Беларусі няма, злачынцы спрабуюць вырабляць банкноты ў невялікіх аб`ёмах пры дапамозе камп`ютарнай тэхнікі.

Дар’я Каско

kasko@zviazda.by
Звязда, 14 сакавіка 2017