Як паведамляе Генеральная пракуратура, устаноўлена, што ў некаторых сельскагаспадарчых прадпрыемствах па-ранейшаму назіраюцца факты безгаспадарчасці, невыканання патрабаванняў дырэктывы прэзідэнта ад 14 чэрвеня 2007 года № 3 "Эканомія і ашчаднасць — галоўныя фактары эканамічнай бяспекі дзяржавы". 

Выяўленыя факты нездавальняючага стану тэхнічнай умацаванасці і аховы асобных зернесушыльных комплексаў.

Устаноўленыя асобныя парушэнні ўмоў захоўвання і захаванасці сабранага ўраджаю і тэхнікі на сельгаспрадпрыемствах Мядзельскага раёна. 

У ААТ "Слабадская зара" не хапае складскіх памяшканняў для захоўвання фуражнага збожжа, яно складуецца на адкрытых пляцоўках, у механічных майстэрнях пад навесамі, прыстасаванымі для захоўвання тэхнікі. Для сушкі зерня выкарыстоўваецца стары зернесушыльны комплекс.

У ААТ "Пруднікі-Агра" (Мядзельскі раён) устаноўлены факт разукамплектавання камбайна "КЗС-10" 2007 года выпуску, за які гаспадарка робіць выплаты па лізінгу. 

Выяўленыя выпадкі кіравання сельскагаспадарчай тэхнікай асобамі, якія не маюць права на кіраванне транспартнымі сродкамі. Так, у ТАА "СНБ-Агра" (Лагойскі раён), ААТ "Пруднікі-Агра" на момант праверкі транспартам кіравалі механізатары, пазбаўленыя права кіравання на падставе арт. 18.16 КоАП (кіраванне транспартным сродкам асобай, якая знаходзілася ў стане ап`янення, перадача кіравання транспартным сродкам такой асобе або адмова ад праходжання праверкі (агляду)).

Пра вынікі маніторынгу пракуратура Мінскай вобласці праінфармавала Мінскі аблвыканкам. 

Пасля разгляду інфармацыйнай запіскі дзевяць службовых асоб сельскагаспадарчых прадпрыемстваў прыцягнутыя да дысцыплінарнай адказнасці.

Вячаслаў Будкевіч, БелаПАН
Мінск, 15 лістапада 2015