Як паведаміў прэс-сакратар Пінскага пагранатрада Міхаіл Бут-Гусаім, падчас пошукавых мерапрыемстваў была знойдзена група з трох чалавек, якая перамяшчала кантрабандны тавар на аўтамабілі "Аўдзі-100". Патрабаванні нарада аб спыненні кантрабандысты не выканалі і паспрабавалі ўцячы. Для спынення супрацьпраўных дзеянняў і затрымання парушальнікаў пагранічны нарад прымяніў табельную зброю. 

Адзін з кантрабандыстаў быў паранены ў руку. Памежнікі аказалі яму першую медыцынскую дапамогу і даставілі ў бальніцу. 

Па выніках аперацыі ўсе трое парушальнікаў, грамадзяне Беларусі, транспартны сродак і кантрабандны тавар затрыманы. Праводзіцца разбор. 

Нагадаем, 17 лютага пінскім памежнікам давялося прымяніць зброю для спынення групавога прарыву праз мяжу з боку Украіны невядомых з коньмі. Парушальнікі, сярод якіх былі і параненыя, кінуўшы на беларускай тэрыторыі чатырох коней, пайшлі назад.

Вячаслаў Будкевіч, БелаПАН
Мінск, 9 сакавіка 2015