За першы тыдзень выставу наведалі больш як 7 тыс. чалавек, што стала рэкордам для музея. Сярод наведвальнікаў былі оперны спявак Дзмітрый Хварастоўскі, дырыжор Канстанцін Арбелян і расійская артыстка Клара Новікава. 

На выставе прадстаўлена каля 200 экспанатаў. Усе яны адноўлены сіламі рымскага музея Леанарда да Вінчы — для гэтага спецыялістам давялося вывучыць і расшыфраваць больш як 6 тыс. запісаў майстра. У Нацыянальным мастацкім музеі можна ўбачыць правобразы танка, гідракасцюма, веласіпеда, аўтамабіля, верталёта, дэльтаплана і парашута — менавіта ў тым выглядзе, у якім іх уяўляў сам да Вінчы. Экспанаты выставы хоць і не з`яўляюцца сапраўднымі, але застрахаваныя на 500 тыс. долараў.

Распрацавана экспазіцыя аўстралійскай кампаніяй Grande Exhibitions. У Беларусь яна прыехала з Ізраіля. У цэлым "Вынаходствы да Вінчы" падарожнічаюць па свеце з 2006 года. За гэты час яны па пабывалі ў краінах Паўночнай і Паўднёвай Амерыкі, Паўночнай Афрыкі і Заходняй Еўропы.

Арганізатарам мінскай выставы выступае кампанія "Берын Арт Менеджмент", генеральным партнёрам — ЗАТ "Альфа-Банк".

Аляксей Арэшка, БелаПАН
Мінск, 14 сакавіка 2015