Калі размова зайшла аб ахове здароўя, кіраўнік дзяржавы адзначыў, што дзяржава самыя вялікія сродкі ў гэту сферу ўклала ў чарнобыльскім рэгіёне. Ён таксама расказаў, што ў Беларусі мадэрнізавана ўся сістэма аховы здароўя, пры гэтым найменшая ўвага была ўдзелена Мінску, але гэта праблема ў бліжэйшы час будзе вырашана, і ўсё будзе прыведзена ў парадак.

"Што датычыцца чарнобыльскага рэгіёна, не бачу асаблівых праблем. Калі трэба - дапаможам або на месцы будуць прыняты неабходныя рашэнні", - запэўніў Прэзідэнт. Пры гэтым ён падкрэсліў, што ахове здароўя дзяржава і ў далейшым будзе ўдзяляць самую сур`ёзную ўвагу. "Мы аднавілі і адрэгулявалі сістэму ад раёнаў і абласцей да рэспубліканскіх клінік у Мінску. Калі трэба штосьці яшчэ, мы вывучым. Але нічога лішняга рабіць не будзем", - сказаў кіраўнік дзяржавы. Ён акцэнтаваў увагу на тым, што адукацыя і ахова здароўя - гэта адказнасць дзяржавы і гэтым напрамкам надаецца першараднае значэнне".

25 красавіка 2014, Клімавічы
Аліна Грышкевіч - БЕЛТА