У Мінску 4 верасня пройдзе міжнародная канферэнцыя "Тэхналогіі для энергаэфектыўнай рэканструкцыі і рэстаўрацыі гістарычных будынкаў", паведамілі ў прэс-службе Дзяржкамітэта па навуцы і тэхналогіях (ДКНТ).
У канферэнцыі возьмуць удзел прадстаўнікі Беларусі, Германіі, Даніі, Латвіі, Літвы, Нарвегіі, Польшчы, Расіі, Фінляндыі, Швецыі і Эстоніі.
Мерапрыемства праводзіцца ў межах праекта міжнароднай тэхнічнай дапамогі Беларусі "COOL Bricks — Змяненне клімату, культурная спадчына і энергаэфектыўныя помнікі".
Арганізатарамі форуму выступілі Інавацыйная асацыяцыя "Рэспубліканскі цэнтр трансферту тэхналогій", ДКНТ, Нацыянальная акадэмія навук Беларусі, Беларускі інавацыйны фонд.
Марына Носава,
БелаПАНМінск, 31 жніўня 2013
