Пагранічнікі Гомельскай пагранічнай групы сумесна з мытнікамі на прыпынку грамадскага транспарту ў Гомелі 10 красавіка затрымалі жыхара Чарнігава.
Як паведаміў прэс-сакратар Гомельскай пагранічнай групы Дзмітрый Уклейка, у грамадзяніна Украіны былі знойдзены дзве сумкі, у якіх знаходзіліся тавары народнага спажывання: наклейкі на велікодныя яйкі, насенне маку, лаўровы ліст, спецыі, шакаладныя цукеркі, жэле.
Дакументаў, якія пацвярджаюць легальнасць набыцця і перамяшчэння тавараў праз мяжу, у затрыманага не было. Тавар на суму больш за 10 млн. рублёў канфіскаваны.
Алена Германовіч,
БелаПАНГомель, 11 красавіка 2012
