Органамі пракуратуры Магілёўскай вобласці праведзена вывучэнне эфектыўнасці працы дзяржорганаў і іншых арганізацый з непаўналетнімі правапарушальнікамі і сем`ямі, што знаходзяцца ў сацыяльна небяспечным становішчы.
Як паведамілі ў Генеральнай пракуратуры, вынікі абагульнення і аналізу пракурорскіх праверак сведчаць пра тое, што ў вобласці праведзена значная праца, скіраваная на рэалізацыю мер па дзяржаўнай абароне дзяцей, якія выхоўваюцца ў праблемных сем`ях. Разам з тым у дзейнасці асобных органаў ёсць істотныя недахопы і хібы.
Да правядзення праверак у частцы прызнання непаўналетніх, што знаходзяцца ў сацыяльна небяспечным становішчы, не заўсёды прыцягваюцца супрацоўнікі міліцыі, якія валодаюць больш праўдзівай інфармацыяй аб наяўнасці або адсутнасці фактаў злоўжывання бацькамі спіртнымі напоямі.
У некаторых выпадках навучальнымі ўстановамі парушаюцца патрабаванні зацверджанай пастановай Мінадукацыі інструкцыі аб парадку выяўлення непаўналетніх, якія маюць патрэбу ў дзяржаўнай абароне, што тычыцца прызнання таго, што вучні знаходзяцца ў сацыяльна небяспечным становішчы.
Пракуратурай Магілёўскай вобласці прааналізавана судовая практыка па грамадзянскіх справах па ісках аб пазбаўленні бацькоўскіх правоў і аднаўленні ў бацькоўскіх правах, адабранні дзіцяці без пазбаўлення бацькоўскіх правоў, усынаўленні і адмене ўсынаўлення, разгледжаных судамі ў 2011 годзе. Пры вывучэнні грамадзянскіх спраў звернута ўвага на якасць падрыхтоўкі аддзеламі і ўстановамі адукацыі іскавых заяў у суд, якая не заўсёды з`яўлялася здавальняючай.
У мэтах парушэння патрабаванняў заканадаўства істцамі не ўказвалася кола ўсіх асоб, зацікаўленых у выніку справы. Заяўленыя суду патрабаванні былі няпоўнымі і не адпавядалі інтарэсам непаўналетняга і дзяржавы.
Распаўсюджаны факты, калі заяўнікам пры абгрунтаванні іску прыкладаліся не ўсе дакументы, што мела вынікам іх патрабаванне судом і павялічвала тэрмін разгляду грамадзянскай справы.
Устаноўлены выпадкі, калі органамі апекі вельмі павярхоўна складаліся акты абследавання ўмоў жыцця дзяцей і жыллёва-бытавых умоў іх бацькоў. У іх не заўсёды адлюстроўваўся характар узаемаадносінаў паміж членамі сям`і, іх стаўленне да дзіцяці.
Па выніках праведзеных праверак пракуратурай Магілёўскай вобласці ў аблвыканкам унесена прадстаўленне аб ліквідацыі парушэнняў заканадаўства аб абароне правоў і законных інтарэсаў дзяцей, якія жывуць у праблемных сем`ях. Па выніках яго разгляду да дысцыплінарнай адказнасці прыцягнуты 12 службовых асоб.
Вячаслаў Будкевіч,
БелаПАНМінск, 14 красавіка 2012
