Інспекцыямі Міністэрства па падатках і зборах (МПЗ) у студзені—верасні 2011 года ў Мінску было праведзена 975 выязных аператыўных праверак па спыненні ажыццяўлення фізічнымі асобамі незарэгістраванай прадпрымальніцкай дзейнасці.
Паводле інфармацыі прэс-цэнтра МПЗ, у выніку праверак канфіскавана з ценявога абароту таварна-матэрыяльных каштоўнасцяў на 1 млрд. 974,1 млн. рублёў. Больш чым 250 грамадзян прыцягнута да адміністрацыйнай адказнасці на суму штрафаў каля 158 млн. рублёў.
Упершыню выяўленым 727 грамадзянам вынесена папярэджанне аб недапушчальнасці заняцця незарэгістраванай прадпрымальніцкай дзейнасцю.
Аляксей Арэшка,
БелаПАНМінск, 15 кастрычніка 2011
