Па выніках сямі месяцаў гэтага года ў Беларусі зарэгістравана 34.686 суб`ектаў гаспадарання: 8.632 юрыдычныя асобы і 26.054 індывідуальныя прадпрымальнікі, паведаміла прэс-служба Міністэрства юстыцыі.
У параўнанні з аналагічным перыядам мінулага года колькасць зарэгістраваных індывідуальных прадпрымальнікаў павялічылася на 12%.
З 8.632 зарэгістраваных юрыдычных асоб большасць складаюць унітарныя прадпрыемствы — 42%, таварыствы з абмежаванай адказнасцю — 41%. Іншыя арганізацыйна-прававыя формы ў сукупнасці складаюць 17% ад агульнай колькасць юрыдычных асоб.
Найбольшая колькасць суб`ектаў гаспадарання зарэгістравана ў Мінску і Мінскай вобласці: 9.200 і 5.181 адпаведна.
Акрамя таго, у студзені—ліпені было зарэгістравана 365 арганізацый з замежнымі інвестыцыямі, што на 2% больш, чым за аналагічны перыяд мінулага года.
Марына Носава,
БелаПАНМінск, 9 жніўня 2011
