13,5 тысячы літраў алкагольнай прадукцыі канфіскавалі супрацоўнікі ўпраўлення па барацьбе з эканамічнай злачыннасцю УУС Гомельскага аблвыканкама падчас правядзення аператыўна-вышуковых мерапрыемстваў па выкараненні нелегальнага абароту падакцызнай групы тавараў.
На складах Лельчыцкага райпо захоўваліся алкагольныя напоі ў вялікім асартыменце без спецыяльных дакументаў, якія пацвярджаюць набыццё, якасць і тэрміны рэалізацыі тавару. Па факце знаходкі і канфіскацыі прадукцыі прызначана інвентарызацыя і рэвізія паводле асобных пытанняў фінансава-гаспадарчай дзейнасці прадпрыемства, праводзіцца праверка. Кошт затрыманага — больш за 80 мільёнаў рублёў.
Вольга Аўраменка.
Звязда 16 лістапада 2010
