Кацярына Хмылкова, старшыня Бараўлянскага сельсавета Мінскага раёна:
— Цырымонія інаўгурацыі Прэзідэнта — важны і, можна сказаць, святы рытуал. Гэта свята для ўсяго беларускага народа. На працягу вось ужо больш як 30 гадоў Прэзідэнт Беларусі ўпэўнена вядзе за сабой наш народ, нягледзячы на разнастайныя выклікі і пагрозы цяперашняга часу. І за ўвесь гэты час не было ні разу, каб ён не стрымаў свайго абяцання. Мудры і моцны палітык, наш нацыянальны лідар — залог упэўненасці і стабільнасці не толькі ў сённяшнім, але і ў заўтрашнім дні. Ва ўсе часы Аляксандр Рыгоравіч Лукашэнка сваімі галоўнымі прыярытэтамі называў нацыянальныя інтарэсы, бяспеку краіны і людзей. Дзякуючы яму, у цэнтры ўвагі дзяржавы заўсёды застаецца чалавек. А гэта — дарагога каштуе!
Кіраўнік дзяржавы заўсёды ўдзяляў асаблівую ўвагу развіццю рэгіёнаў. І гэта сапраўды так — на ўрачыстай цырымоніі інаўгурацыі Прэзідэнт Беларусі адзначыў, што найважнейшы агульнанацыянальны праект — далейшае развіццё рэгіёнаў. Аляксандр Лукашэнка заўсёды кажа, што залог моцнай краіны — гэта моцныя рэгіёны. Нават сёння мы адчуваем тую вялікую падтрымку з боку дзяржавы, якая аказваецца ў тым ліку нашаму населенаму пункту, яго развіццю. Сёння ў Бараўлянах створаны ўсе ўмовы для камфортнага пражывання. У нас ёсць працоўныя месцы, выдатная інфраструктура, людзям сапраўды ёсць, куды схадзіць і дзе адпачыць пасля работы. Акрамя таго, наш населены пункт актыўна пашыраецца: у нас будуюцца дамы для педагогаў і медыкаў, а развітыя транспартныя зносіны дазваляюць дабрацца да сталіцы ўсяго за 15 хвілін. Да нас прыязджаюць людзі, яны хочуць жыць у Бараўлянах. І нічога гэтага не было б, калі не падтрымка нашага народнага Прэзідэнта.
Перамога Аляксандра Лукашэнкі на выбарах — гэта агульная перамога ўсяго беларускага народа. Дай бог, каб мы, грамадзяне сваёй краіны, заўсёды так плячо ў плячо стаялі за сваю незалежнасць, як у гэтую выбарчую кампанію. У сваёй прамове на ўрачыстай цырымоніі інаўгурацыі наш Прэзідэнт падкрэсліў вернасць прыярытэтам беларускай дзяржавы — такім як мір, бяспека, дабрабыт краіны, годнасць нацыі і годнасць кожнага чалавека. Акрамя таго, пастаўлена важная задача выкаранення бюракратыі і карупцыі. Усе мы бачым, што краіна паступальна рухаецца наперад, пры гэтым захоўваецца прынцып пераемнасці пакаленняў. Таксама мы назіраем стабільнасць у эканоміцы нашай краіны. Усё гэта ўсяляе аптымізм і ўпэўненасць у далейшай будучыні.
Цырымонія інаўгурацыі Прэзідэнта — гэта пацвярджэнне таго, што ў краіне ёсць свае традыцыі. Мы, грамадзяне Беларусі, з гонарам і ўпэўненасцю глядзім у заўтрашні дзень. Кіраўнік дзяржавы, як ніхто, вось ужо 30 гадоў паказвае, што такое служба сваёй Айчыне, як неабходна цалкам аддавацца, каб краіна развівалася. І мы, беларусы, ганарымся тым, што можам сабрацца і падзяліць гэты важны для кожнага дзень, бо гэта наша будучыня, будучыня нашых дзяцей, нашай краіны і ўсяго беларускага народа.
Тамара Паўлюковіч, дырэктар Брэсцкага тэатра лялек:
— У сучасных умовах асабіста я ўспрымаю фігуру Прэзідэнта найперш як гаранта міру ў нашай краіне. Сёння гэта самае важнае, самае галоўнае. Мы павінны мець магчымасць працаваць, вучыцца, лячыцца, гадаваць дзяцей, хадзіць у тэатр. Менавіта пры ўмове захавання міру і спакою магчыма ўсё пералічанае як паказчык стану эканомікі дзяржавы. І за гэтую сённяшнюю рэальнасць мы ўдзячныя дзеючаму Прэзідэнту краіны.
Яшчэ ўдзячныя за новы прыгожы будынак лялечнага тэатра, які наш горад атрымаў шэсць гадоў таму. Новы тэатр паспеў ужо стаць славутасцю абласнога цэнтра, тут праходзяць многія знакавыя мерапрыемствы. У тэатры мы не толькі ставім і даём спектаклі для дзяцей і дарослых — да нас ходзяць дзеці, каб займацца вакалам, харэаграфіяй, іншымі відамі мастацтва. Тэатр жыве насычаным, змястоўным жыццём, нас ведаюць і любяць юныя брастаўчане. А ў тэатр людзі ідуць тады, калі ўсё добра ў краіне, у горадзе, у сям’і. І мы прывыклі, што менавіта так ёсць, спадзяёмся, што так і будзе.
Руслан Абрамчык, начальнік галоўнага ўпраўлення адукацыі Гродзенскага аблвыканкама.
— Цырымонія інаўгурацыі Прэзідэнта Рэспублікі Беларусь стала кульмінацыяй маштабнай выбарчай кампаніі. Для мяне як грамадзяніна сёння вялікае свята, і, думаю, гэта датычыцца ўсіх прыхільнікаў Аляксандра Рыгоравіча, які ўвасабляе сабой каштоўнасці беларускага народа. Наш Прэзідэнт прыйшоў да ўлады ў няпросты час і атрымаў краіну, якая была на ростанях. Але дзякуючы цвёрдаму характару, ён змог вывесці яе на новы ўзровень. На працягу 30 гадоў гісторыі незалежнай Беларуси Аляксандр Лукашэнка прытрымліваўся традыцыйных каштоўнасцей і абапіраўся на практыку мінулых пакаленняў, і пры гэтым смела глядзеў у будучыню і заўсёды быў адкрыты новаму. Філосаф Леў Гумілёў назваў такіх дзеячаў як наш Прэзідэнт «Людзі доўгай волі».
Гэта асобы, якія заўсёды знаходзілі новыя падыходы і мянялі ход гісторыі. Трэба адзначыць, што ў сістэме адукацыі роля Прэзідэнта вырашальная, бо менавіта вызначае змест палітыкі ў гэтай сферы. І зараз падводзіцца вынік пяцігадовай працы па яе рэфармаванні, было зроблена вельмі многа ва ўсіх кірунках. Лічу, што без асобы Аляксандра Рыгоравіча Беларусь не была бы такой, якая яна есць зараз.
Звязда, 25 сакавіка 2025
