Прэм’ерная дэманстрацыя дакументальнага фільма "Вызваленне", прымеркаваная да 79-й гадавіны Перамогі ў Вялікай Айчыннай вайне, прайшла ў Мінску.
Фільм быў падрыхтаваны Беларускім дзяржаўным архівам кінафотафонадакументаў з удзелам Дэпартамента па архівах і справаводству Міністэрства юстыцыі Рэспублікі Беларусь.
"Хранікальна-дакументальны матэрыял, прадстаўлены ў фільме, з’яўляецца ўнікальным па сваім змесце", - паведаміў журналістам міністр юстыцыі Беларусі Яўген Каваленка.
Каваленка адзначыў, што ў фільме дэманструюцца кадры кіналетапісу, якія раней не выкарыстоўваліся і не публікаваліся.
Сёння прэм’ерны паказ фільма пройдзе ў больш як 30 гарадах Беларусі.
Фільм аднаўляе храналогію вызвалення Беларусі ад нямецка-фашысцкіх захопнікаў, пачынаючы з 26 лістапада 1943 года, калі войскі Чырвонай Арміі ўвайшлі ў горад Гомель. Плануецца, што ў наступных дакументальных фільмах будуць прадстаўлены ўнікальныя кадры партызанскіх парадаў, якія прайшлі ў Мінску, Віцебску, Пінску, іншых гарадах вызваленай ад нацыстаў Беларусі.
На выставе архіўных матэрыялаў, якія былі прадстаўлены перад прэм’ерай, ёсць унікальныя кадры аб першым партызанскім парадзе, які прайшоў у Мінску ў ліпені 1944 года. У тым ліку і шыфроўка, якая была разаслана ў партызанскія брыгады і запрашала на гэты парад у вызваленым Мінску. Пасля ў гонар гэтага парада атрымае сваю назву Партызанскі праспект.
