За 2019 год Дэпартамент дзяржінспекцыі працы Міністэрства працы выявіў 2886 фактаў парушэнняў наймальнікамі тэрмінаў і сум выплат работнікам. Як паведамляе сайт ведамства, 2327 наймальнікаў і 2261 службовая асоба былі прыцягнуты да адміністрацыйнай адказнасці і аштрафаваныя.
Дэпартамент таксама выявіў 219 фактаў парушэнняў наймальнікамі заканадаўства аб працы, у частцы невыканання мінімальных гарантый па аплаце працы. За дапушчаныя парушэнні да адміністрацыйнай адказнасці прыцягнута 156 службовых асоб наймальнікаў. Іх аштрафавалі на агульную суму ў 9,7 тысяч рублёў.
Звязда, 18 студзеня 2020
