"Міністэрства антыманапольнага рэгулявання і гандлю зараз працуе над аналізам рынку цэн, у тым ліку на імпартныя тавары. Людзі не павінны пераплачваць за лекі — ні за айчынныя, ні за імпартныя", — падкрэсліў прэм`ер-міністр. Паводле яго слоў, працу па імпартазамяшчэнні трэба працягваць. Разам з тым Кабякоў адзначыў, што на рынку павінны прысутнічаць усе неабходныя прэпараты — і айчыннай вытворчасці, і імпартныя.

Што тычыцца Барысаўскага завода медпрэпаратаў, то з 270 выпусканых найменняў у параўнанні з імпартнымі аналагамі ёсць пытанні толькі па цане цытрамону, але з 1 жніўня "яна павінна выраўнавацца", адзначыў кіраўнік урада.

Як паведамляе прэс-служба, перад пачаткам пасяджэння прэзідыума Саўміна яго ўдзельнікі наведалі шэраг прамысловых прадпрыемстваў Барысава. На пасяджэнні асаблівая ўвага будзе надавацца павышэнню канкурэнтаздольнасці раёна, развіццю малога і сярэдняга бізнесу, стварэнню новых працоўных месцаў.

Дэталёва будуць разгледжаныя вынікі прынятых мер па павышэнні канкурэнтаздольнасці падведамасных арганізацый Барысаўскага раёна і перспектывы іх развіцця ў 2017—2020 гадах, перспектывы будаўніцтва жылля і нарошчвання аб`ёмаў будаўніча-мантажных работ. Таксама будзе дадзеная ацэнка развіццю арганізацый АПК Барысаўскага раёна.

Марына Носава, БелаПАН
Мінск, 25 ліпеня 2017