Паводле вынікаў таргоў курс еўра знізіўся на 0,0015 рубля (0,07%) да 2,0705 рубля.

Курс долара вырас на 0,0133 рубля (0,68%) і склаў 1,9647 рубля.

Курс расійскага рубля (за 100 адзінак) знізіўся на 0,0058 рубля (0,19%) і склаў 3,041 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20% адпаведна.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. Нафта маркі Brent зараз таргуецца ля адзнакі 49 долараў за бараль. Расійская валюта адкрыла таргі чацвярга зніжэннем да долара і еўра.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўстанаўліваецца афіцыйны курс Цэнтрабанка, на 11.30 чацвярга, 24 лістапада, вырас на 61,92 капейкі, склаўшы 64,6279 рубля.

Аляксей Арэшка, БелаПАН
Мінск, 24 лістапада 2016