Для ўдзелу запрашаюцца творчыя саюзы і калектывы, рэдакцыі, а таксама асобныя аўтары, у тым ліку і супрацоўнікі і члены іх сем`яў, ветэраны органаў унутраных спраў.

У конкурс уключаны наступныя намінацыі:

“Лепшы малюнак “Міліцыя вачыма дзяцей” (гранічны ўзрост удзельнікаў - 15 гадоў. Прадстаўляюцца арыгіналы малюнкаў максімальным фарматам А3);

“Лепшы твор выяўленчага мастацтва, прысвечаны беларускай міліцыі" (падаюцца арыгіналы работ);

“Лепшая фотапраца аб беларускай міліцыі" (матэрыялы падаюцца на электронных/лічбавых носьбітах і ў друкаваным выглядзе. Максімальная колькасць фатаграфій - 10 штук фарматам А3 у каляровым ці чорна-белым адлюстраванні);

"Лепшы плакат (білборд) аб беларускай міліцыі" (матэрыялы падаюцца на электронных/лічбавых носьбітах і ў друкаваным выглядзе. Выява каляровае, фармат А1);

“Лепшы літаратурна-мастацкі твор аб беларускай міліцыі ў прозе" (матэрыялы падаюцца на электронных/лічбавых носьбітах і ў друкаваным выглядзе);

“Лепшы паэтычны твор, прысвечанае беларускай міліцыі" (матэрыялы падаюцца на электронных/лічбавых носьбітах і ў друкаваным выглядзе);

“Лепшая песня аб беларускай міліцыі" (аўдыёзапісы, тэкст і ноты прадастаўляюцца на электронных/лічбавых носьбітах, а тэкст і ноты дадаткова ў друкаваным выглядзе).

На конкурс прымаюцца як асобныя матэрыялы аднаго або некалькіх аўтараў, так і тэматычныя падборкі, зборнікі, серыі і цыклы матэрыялаў.

Кожны ўдзельнік можа падаваць заяўкі на любую колькасць намінацый. Да разгляду прымаюцца толькі тыя матэрыялы/працы, якія не былі раней апублікаваныя ці не выстаўляліся.

Работы з абавязковай пазнакай "На конкурс да 100-годдзя беларускай міліцыі” накіроўваюцца не пазней за 1 кастрычніка 2016 года на адрас: 220030, г. Мінск, вул. Берсана, 16, Міністэрства ўнутраных спраў Рэспублікі Беларусь, Цэнтр культурна-выхаваўчай працы.

Дасланыя матэрыялы не рэцэнзуюцца і не вяртаюцца, а прадстаўленыя з парушэннем умоў - не разглядаюцца.

Арганізатары конкурсу пакідаюць за сабой права далейшага бязвыплатнага выкарыстання матэрыялаў конкурсу з абавязковай спасылкай на аўтарства.

Узор заяўкі на ўдзел у конкурсе размешчаны на афіцыйным сайце МУС (http://mvd.gov.by/main.aspx?guid=17721).

Вынікі конкурсу будуць падведзены да 1 лістапада 2016 года. Лепшым з лепшых ва ўрачыстай абстаноўцы ўручаць каштоўныя падарункі і дыпломы.

Сяргей Расолька
Звязда, 8 жніўня 2016