Якія падзеі адбыліся 22 лістапада і чым адзначаны гэты дзень у народным календары, чытайце далей:
Гістарычныя падзеі 22 лістапада
У 1963 годзе быў забіты прэзідэнт ЗША Джон Кенэдзі. Галоўным падазроным у забойстве лічыўся Лі Харві Освальд, які некаторы час жыў у Мінску.
У 1993 годзе Беларусь устанавіла дыпламатычныя адносіны з Босніяй і Герцагавінай.
Хто нарадзіўся 22 лістапада
1791 год: Міхаіл Гамаліцкі, беларускі ўрач, гісторык, літаратар.
1946 год: Яраслаў Еўдакімаў, спявак, Народны артыст БССР.
1952 год: Аляксандр Абадоўскі, беларускі кінааператар.
Таксама сёння нарадзіліся расійскі навуковец і пісьменнік Уладзімір Даль, французскі генерал і палітык Шарль дэ Голь і амерыканская кінаактрыса Скарлет Йохансан.
22 лістапада ў народным календары
У гэты дзень праваслаўныя вернікі шануюць памяць вялебнай Матроны.
У народзе гэты дзень называлі Матрона Зімовая і лічылі, што з гэтага часу ўжо "становіцца зіма". Казалі: "З Матроны зіма ўстае на ногі".
Калі 22 лістапада ідзе снег, май будзе халодны. Раніцай на дрэвах шэрань – варта чакаць моцных маразоў. Калі гусі выходзяць на лёд, наадварот, пацяплее.
Sputnik, 22 лістапада 2024
