У адпаведнасці з часткай 11 артыкула 106 і пунктам 7 артыкула 84 Канстытуцыі прэм`ер-міністру, яго намеснікам, міністрам, старшыням дзяржаўных камітэтаў і кіраўніку Апарату Савета Міністраў даручана ажыццяўляць свае паўнамоцтвы да фарміравання Прэзідэнтам новага складу Савета Міністраў шляхам выдання кіраўніком дзяржавы прававых актаў аб назначэнні на названыя пасады.

У новы склад Савета Міністраў па пасадзе ўваходзяць кіраўнік Адміністрацыі Прэзідэнта Беларусі, старшыні Камітэта дзяржаўнага кантролю, Прэзідыума Нацыянальнай акадэміі навук Беларусі, Нацыянальнага статыстычнага камітэта, праўлення Беларускага рэспубліканскага саюза спажывецкіх таварыстваў.

19 кастрычніка 2015, Мінск
БЕЛТА