Першы снегаплавільны пункт у Мінску з`явіцца ў раёне вул. Машынабудаўнікоў. У пробным рэжыме яго плануецца запусціць у канцы зімы. Яшчэ тры аналагічныя пункты ў планах абсталяваць у сталіцы ў 2016 годзе.

Спецыяльныя шахты, куды будзе скідвацца снег, створаць на базе каналізацыйных калектараў УП "Мінскводаканал". Там снег будзе растоплівацца з дапамогай каналізацыйных вод, а расталая вада - ачышчацца. Снегаплавільныя пункты размесцяцца ўдалечыні ад жылля і адміністрацыйных будынкаў.

Дзмітрый Плашкоў адзначыў, што з кожным годам у Мінску ўсё складаней знаходзіць тэрыторыі для часовага складзіравання снегу. Размяшчэнне гэтых пляцовак на аддаленых тэрыторыях, паводле слоў спецыяліста, вядзе да павелічэння адлегласці перавозак і, як вынік, значнага росту затрат.

8 кастрычніка 2015, Мінск
БЕЛТА