Спецыялісты расказваюць дзецям аб шкодным уплыве на здароўе тытунекурэння, ужывання алкаголю, наркотыкаў, фарміруюць ў падлеткаў адказнасць за сваё здароўе. Акрамя таго, дарослыя вывучаюць меркаванні ўдзельнікаў праекта аб эфектыўных спосабах падачы інфармацыі падлеткам для выхавання ў іх негатыўнага стаўлення да ўжывання адурманьваючых рэчываў.

Як падкрэслілі ў санітарна-эпідэміялагічнай службе сталіцы, вырашыць гэтыя задачы можна толькі на міжведамасным узроўні. Менавіта таму свае намаганні аб’ядналі начальнікі, выхавальнікі, псіхолагі, сацыяльныя педагогі, медыцынскія работнікі летніх загарадных аздараўленчых лагераў, спецыялісты наркалагічнага дыспансера, камітэтаў па адукацыі, ахове здароўя, ГУУС Мінгарвыканкама, цэнтраў гігіены і эпідэміялогіі раёнаў сталіцы.

Праект «Ваш выбар!» распрацаваны Мінскім гарадскім цэнтрам здароўя, Мінскім гарадскім цэнтрам гігіены і эпідэміялогіі сумесна з газетай «Переходный возраст» і камітэтам па адукацыі Мінгарвыканкама.

Звязда, 18 ліпеня 2014