Новаўвядзенне датычыцца відаў дзейнасці, пералічаных у арт. 295 і 296 Падатковага кодэкса. Маюцца на ўвазе таксама, напрыклад, паслугі хатніх работніц, салонаў прыгажосці, музычнае абслугоўванне і правядзенне ўрачыстых мерапрыемстваў (вяселляў, юбілеяў і г.д.), расплоджванне кацянят і шчанят.

У МПЗ нагадалі, што фізічныя асобы, якія жадаюць па заяўным прынцыпе займацца дзейнасцю, віды якой пералічаны ў арт. 295 Падатковага кодэкса, абавязаны спачатку прадставіць у падатковы орган па месцы жыхарства пісьмовае паведамленне. У ім трэба пазначыць канкрэтныя віды дзейнасці, якімі яны прадугледжваюць займацца, а таксама аб перыядзе і месцах іх ажыццяўлення. Акрамя таго, трэба выплаціць адзіны падатак.

«У выпадку выяўлення з 1 студзеня 2015 года фактаў ажыццяўлення фізічнымі асобамі такіх відаў дзейнасці без выплаты адзінага падатку, ён спаганяецца падатковым органам у памеры пяцікратнай стаўкі адзінага падатку, устаноўленай адпаведным рашэннем абласнога або Мінскага гарадскога Саветаў дэпутатаў. Аналагічна, з прымяненнем павышаючага каэфіцыента 5, падатковы орган праводзіць вылічэнне адзінага падатку пры выяўленні фактаў ажыццяўлення грамадзянамі, якія не з’яўляюцца індывідуальнымі прадпрымальнікамі, відаў прадпрымальніцкай дзейнасці, пералічаных у арт. 296 Падатковага кодэкса», — растлумачылі ў МПЗ.

Звязда, 18 студзеня 2015