"Інакш кажучы, мы не ідзём проста так, каб штосьці знайсці. Мы спачатку аналізуем сітуацыю. Для гэтага ў нас ёсць аналітычны цэнтр, фінансавая разведка", - сказаў кіраўнік ведамства.

Акрамя таго, ён адзначыў, што цяпер адзін з прыярытэтаў для КДК - гэта папераджальны прафілактычны кантроль. Таксама КДК кантралюе ўсе доўгатэрміновыя дзяржаўныя праграмы. Іх аналіз праводзіцца праз аўдыт эфектыўнасці. Старшыня КДК дадаў, што акцэнт робіцца менавіта на якасці, а не колькасці праверак.

За першае паўгоддзе 2014 года КДК спагнаў у бюджэт Br775 млрд (у 2,1 раза больш, чым за аналагічны перыяд 2013 года). У праваахоўныя органы было накіравана 936 матэрыялаў, па якіх узбуджана 547 крымінальных спраў.

1 жніўня супрацоўнікі КДК адзначаюць 95-годдзе органаў дзяржкантролю Беларусі і 20-годдзе самога ведамства. У 1919 годзе быў створаны Камісарыят дзяржаўнага кантролю Часовага рабоча-сялянскага Савецкага ўрада Беларусі, а 2 жніўня 1994 года створана Служба кантролю пры Адміністрацыі Прэзідэнта Беларусі.

1 жніўня 2014, Мінск
БЕЛТА