20 сакавіка ў Нацыянальным гістарычным музеі адкрылася выстава "Іосіф Гашкевіч — дыпламат, вучоны, арыенталіст", прымеркаваная да 200-годдзя з дня яго нараджэння.
Выстава адкрылася ў межах правядзення ў сакавіку пасольствам Японіі ў Беларусі цыкла культурных мерапрыемстваў, прысвечаных 200-годдзю з дня нараджэння Гашкевіча — ураджэнца Беларусі, вучонага-ўсходазнаўца, першага расійскага консула ў Японіі і аўтара першага японска-рускага слоўніка.
Згодна з рашэннем 37-й сесіі Генеральнай канферэнцыі ЮНЕСКА, двухсотгадовы юбілей з дня нараджэння Гашкевіча афіцыйна ўключаны ў каляндар памятных дат ЮНЕСКА на 2014—2015 гады.
У адкрыцці ўзяў удзел пасол Японіі ў Беларусі Сігэхіра Міморы
Выстава працягне працу ў Расіі (Санкт-Пецярбург), Францыі (Парыж) і Японіі (Хакадатэ).
БелаПАН, 21 сакавіка 2014
