Аператыўнікамі ўпраўлення па наркакантролі і процідзеянні гандлю людзьмі ГУУС Мінгарвыканкама сумесна з калегамі з Ленінскага РУУС сталіцы, спецпадраздзялення "Алмаз" і байцамі раённага аддзела дэпартамента аховы МУС затрыманыя двое мінчан, якія гандлявалі курыльнымі сумесямі.
Як паведамілі ў ГУУС Мінгарвыканкама, у поле зроку праваахоўнікаў маладыя людзі (аднаму — 25 гадоў, другому — 23) трапілі падчас спробы рэалізацыі чарговай партыі так званых спайсаў, якую да месца прызначэння яны дастаўлялі на аўтамабілі. Пры аглядзе транспартнага сродку, які належыць старэйшаму з прыяцеляў, аператыўнікі знайшлі 600 грамаў міксаў, што змяшчаюць псіхатропнае рэчыва метанон.
Таксама падчас праверкі па месцы жыхарства затрыманых у 23-гадовага наркадылера было канфіскавана яшчэ 150 грамаў гатовых да продажу сумесяў, 205 грамаў парашку для вытворчасці спайсаў, неабходнае для гэтага абсталяванне і больш як пяць грамаў небяспечнага псіхатропнага рэчыва металілэксалін.
Абодва затрыманых знаходзяцца ў ізалятары часовага ўтрымання, у дачыненні да іх распачата крымінальная справа за незаконны абарот наркотыкаў. Увесь тавар канфіскаваны. Аўтамабіль, на якім правапарушальнікі перавозілі забароненыя рэчывы, падлягае канфіскацыі.
Вячаслаў Будкевіч,
БелаПАНМінск, 27 жніўня 2013
