28 кастрычніка ў Белтэлерадыёкампаніі (БТРК) адбылася прэс-канферэнцыя, прысвечаная рэбрэндынгу айчынных тэлеканалаў.
Кажучы пра мову эфірнага вяшчання, старшыня кампаніі Генадзь Давыдзька адзначыў: "Мы штодня на адну хвілінку, умоўна кажучы, павялічваем прысутнасць беларускай мовы ў тэлеэфіры. На "Беларусь-24", які арыентуецца галоўным чынам на замежнага гледача, яе, напэўна, сапраўды не будзе — там, хутчэй, пойдзе англійскі, французскі падрадкоўнік… "Беларусь-3" будзе беларускамоўным. А на "Беларусь-1" і "Беларусь-2" мы хочам давесці яе долю да пэўнага ўзроўню.
Мне не хацелася б, каб 50 на 50 нават было — гэта не адлюстроўвае рэальную моўную сітуацыю ў нашай краіне".
БелаПАН
28 кастрычніка 2011
