Ніхто са сваякоў прызнанага ў Беларусі вінаватым у генацыдзе карніка Сямёна Серафімовіча, пакуль ішоў судовы працэс, не звяртаўся з запытам, заявіў журналістам дзяржаўны абвінаваўца Аляксандр Дзямідаў.
"Пакуль ішоў судовы працэс заяў, інфармацыі ад сваякоў абвінавачанага не паступала. (...) Цікавасці з боку замежных СМІ таксама не было", - заявіў ён, адказваючы на пытанне аб тым, ці цікавіліся разглядам справы яго родныя, якія пражываюць у Вялікабрытаніі.
Дзямідаў таксама распавёў пра тое, як збіралася доказная база злачынстваў Серафімовіча.
"Доказы, якія былі прадстаўлены падчас судовага следства, былі заснаваны на трох крыніцах – гэта матэрыялы, якія захаваліся ў архівах, розныя дакументы, захопленыя ў нямецкіх войск. Таксама істотную дапамогу аказалі матэрыялы архіўных крымінальных спраў 1940-1950 гадоў мінулага стагоддзя ў дачыненні да былых паліцэйскіх дапаможнай паліцыі", - паведаміў дзяржабвінаваўца.
Акрамя таго, былі дадзены паказанні сведак.
"Дадзенае судовае рашэнне з’яўляецца данінай памяці менавіта мірнаму насельніцтву, якое ў перыяд Вялікай Айчыннай вайны несла каласальныя страты, але засталося ннепакораным", - падкрэсліў Дзямідаў.
Паводле яго слоў, прававая ацэнка дзеянням такіх асоб, як Серафімовіч, дасць магчымасць аднавіць гістарычную справядлівасць, і наследнікі пераможцаў захаваюць у гістарычных фактах памяць аб вайне.
На абвяшчэнні прыгавору па дадзенай крымінальнай справе прысутнічалі студэнты юрыдычных факультэтаў – будучыя пракуроры, следчыя і адвакаты.
Крымінальную справу ў дачыненні да Серафімовіча, які пазбегнуў пакарання за злачынствы і памёр у 1997 годзе ў Вялікабрытаніі, Вярхоўны суд Беларусі пачаў разглядаць 6 лютага. Серафімовіч абвінавачваўся ў тым, што ў складзе кіраўніцтва падраздзялення дапаможнай паліцыі пазбавіў жыцця не менш як 4 144 беларусаў, уключаючы 622 дзяцей, у тым ліку заведама малалетніх. Пад яго кіраўніцтвам было арганізавана яўрэйскае гета ў мястэчку Мір.
