Вучэнні праводзяцца на тэрыторыі Лельчыцкага раёна, паведамілі ў прыёмнай раённага выканаўчага камітэта.
У адказ на пытанне, ці ўводзіліся ў сувязі з гэтым абмежаванні на ўезд на тэрыторыю раёна, у выканкаме падкрэслілі, што "ніякіх абмежаванняў з-за вучэнняў няма".
"Пакуль што працуем у звычайным рэжыме", - падкрэслілі ў РВК.
Пры гэтым у райвыканкаме не гатовы адказаць, колькі працягнуцца вучэнні на тэрыторыі раёна.
Раней раённая газета "Светлае жыццё", спаслаўшыся на абласное ўпраўленне КДБ, напісала, што ў раёне праходзіць контртэрарыстычная аперацыя. Мясцовых жыхароў заклікалі захоўваць спакой і пры неабходнасці падпарадкоўвацца патрабаванням сілавікоў.
