Сяміметровую скульптуру слана вядомага мастака Сальвадора Далі ўсталявалі ў пятніцу на вуліцы Зыбіцкай ў Мінску.
Незвычайны слон з`яўляецца персанажам адной з самых вядомых карцін сюррэаліста Сальвадора Далі - "Сон, выкліканы палётам пчалы вакол граната, за секунду да абуджэння".
Скульптуру з вядомым сланом усталявалі да адкрыцця выставачнага праекта "Сальвадор Далі". Афіцыйнае адкрыццё яе запланавана на 14 сакавіка, аднак ужо ў пятніцу 8 сакавіка скульптуру ўсталявалі на вуліцы Зыбіцкай ў цэнтры Мінска - адпаведныя фатаграфіі маментальна з`явіліся ў Instagram мінчан.
Яшчэ адну падобную скульптуру ўсталююць каля будынка Нацыянальнага мастацкага музея.
Экспанавацца скульптуры на вуліцах Мінска будуць да 30 чэрвеня бягучага года.
