Сын вялікага коміка Чарлі Чапліна - Юджын Чаплін ўвойдзе ў журы першага міжнароднага цыркавога фестывалю "Ідал-Беларусь".

"Фестываль цыркавога мастацтва "Ідал-Беларусь" пройдзе з 13 па 16 верасня ў Гомелі, на манежы дзяржаўнага цырка. У склад журы форуму акрамя знакамітых дырэктараў цыркаў свету, імпрэсарыа і знакавых дзеячаў культуры ўвойдзе рэжысёр, сцэнарыст, сын вялікага коміка Чарлі Чапліна - Юджын Чаплін. Састаў міжнароднага журы ўжо зацверджаны", - распавялі ў дырэкцыі.

Падчас фестывалю пройдзе пяць шоу. У цяперашні час фарміруецца праграма культурнай падзеі. 

Асаблівую ўвагу арганізатары надаюць фарміраванню культурнай праграмы для замежных артыстаў і гасцей. У абавязковым спісе наведванне знакавых славутасцяў рэгіёну, у тым ліку жамчужыны Гомельскай вобласці Палаца Румянцавых-Паскевічаў. Удзельнікам міжнароднага фестывалю прапануюць паспрабаваць нацыянальную кухню.

Арганізатарам першага міжнароднага фестывалю цыркавога мастацтва "Ідал-Беларусь" з`яўляецца заслужаны калектыў Беларусі "Відовішчна-культурны комплекс "Гомельскі дзяржаўны цырк".

Праект ініцыяваны народнымі артыстамі Расіі Аскольдам і Эдгардам Запашнымі і праходзіць пад патранатам Міністэрства культуры Беларусі.

Звязда, 3 чэрвеня 2018