18 студзеня, напярэдадні Хрышчэння Гасподня, у Цэнтры вадалазна-ратавальнай службы МНС на Цнянскім вадасховішчы ратавальнікі МНС зрабілі палонку, у якую маглі акунуцца ўсе ахвотныя.
Папярэдне клірык мінскага Свята-Духава кафедральнага сабора іерэй Яўген Свідэрскі па благаславенні мітрапаліта Мінскага і Слуцкага Філарэта ажыццявіў абрад вялікага асвячэння вады.
Першымі ў іардань акунуліся самі супрацоўнікі МНС, якія 19 студзеня адзначаюць прафесійнае свята — Дзень ратавальніка.
Мерапрыемства праходзіла ў рамках супрацоўніцтва МНС з Беларускай праваслаўнай царквой.
БелаПАН19 студзеня 2012
