— Развіццё сучаснага грамадства характарызуецца імклівым тэхнічным прагрэсам, пры гэтым інфармацыйная бяспека з кожным днём набывае ўсё большае значэнне, з’яўляючыся абавязковай умовай дабрабыту грамадства і дзяржавы, — адзначыў кіраўнік МУС у віншаванні. — Сёння як ніколі ваша служба набывае асаблівую актуальнасць. Аператыўнасць рэагавання, мабільнасць і тэхнічная аснашчанасць вашых падраздзяленняў дазваляюць паспяхова супрацьстаяць кіберзлачыннасці. Ад вас патрабуюцца асаблівыя веды, таму кожны прадстаўнік службы — сапраўдны прафесіянал, пісьменны спецыяліст, які ідзе ў нагу з часам. Вы не толькі змагаецеся са зламыснікамі, але і займаецеся аналітычнай працай, робячы ўсё, каб палепшыць абарону нашых грамадзян. Юбілейная дата — гэта не проста чарговая старонка гісторыі, але і добрая нагода ацаніць пройдзены шлях, паставіць пэўныя задачы на будучыню.

Кубракоў выказаў перакананне, што супрацоўнікі службы, валодаючы высокай кваліфікацыяй, багатым духоўным светам, гатовыя эфектыўна супрацьстаяць любым пагрозам і выклікам, з’яўляюцца годнымі сынамі сваёй Радзімы і надзейнымі абаронцамі народа.

Ён таксама выказаў асобную падзяку ветэранам падраздзяленняў і пажадаў усім служачым моцнага здароўя, сямейнага дабрабыту, новых дасягненняў у такой адказнай дзейнасці.

Звязда, 28 лістапада 2022