https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Пастанова Саўміна: рост цэн на тавары і тарыфаў на паслугі - не больш за 0,5% штомесяц


Савет Міністраў прыняў пастанову нумар 184 ад 30 сакавіка 2020 года «Аб часовых мерах па стабілізацыі сітуацыі на спажывецкім рынку», піша прэс-служба ўрада.
Мінбудархітэктуры, Міністэрству аховы здароўя, Мінлясгасу, Мінпраму, Мінсельгасхарчу, «Беллегпраму», «Беллеспаперапраму», «Белдзяржхарчпраму», «Белнафтахіму», іншым рэспубліканскім органам дзяржкіравання і іншым дзяржарганізацыям, падпарадкаваным ураду, аблвыканкамам і Мінскаму гарвыканкаму неабходна не дапускаць росту адпускных цэн і тарыфаў на тавары і паслугі, што аказваюцца падпарадкаванымі арганізацыямі, вышэй за 0,5 працэнта штомесяц.

Таксама ім трэба забяспечыць пастаўкі вырабляемай прадукцыі ў рознічную гандлёвую сетку пад патрэбнасць унутранага рынку. Юрыдычным асобам усіх форм уласнасці і ІП, якія ажыццяўляюць вытворчасць, увоз і рэалізацыю тавараў на ўнутраным рынку або аказваюць паслугі, таксама трэба не дапускаць павышэння цэн і тарыфаў вышэй за 0,5 працэнта штомесяц.

Павышэнне цэн вышэй за ўстаноўленую мяжу дапускаецца толькі па ўзгадненні з Камісіяй па пытаннях дзяржаўнага рэгулявання цэнаўтварэння пры Савеце Міністраў. Акрамя таго, дзяржаўныя органы (арганізацыі), якія ажыццяўляюць рэгуляванне цэн (тарыфаў) у адпаведнасці з заканадаўствам, не павінны іх павышаць без адпаведнага ўзгаднення з камісіяй.

Міністэрству антыманапольнага рэгулявання і гандлю, аблвыканкамам і Мінскаму гарвыканкаму даручана кантраляваць выкананне пастановы і захаванне асартыментнага пераліку тавараў суб’ектамі гандлю.

Пастанова ўступае ў сілу пасля яе афіцыйнага апублікавання і дзейнічае да 30 чэрвеня 2020 года.

Звязда, 1 красавіка 2020
 
Дата публикации:01.04.2020
Тематика:Бизнес, Беларусь
Просмотров:19
 
Ключевые слова:
Рост цен Инфляция Ценообразование
 
 


Комментарии



 



Другие новости по этой теме