Хлопец і дзяўчына працавалі кур’ерамі на інтэрнэт-наркашоп. Яны атрымлівалі буйныя партыі тавару, дзялілі яго на дробныя, а затым рабілі закладкі ў лясных масівах Магілёва. Усе маніпуляцыі з псіхатропам кур’еры праводзілі на здымнай кватэры.

Затрымалі фігурантаў, калі яны абсталёўвалі чарговы тайнік. У закладчыкаў канфіскавалі каля 230 г асабліва небяспечнага псіхатропнага рэчыва 4-СМС.

За незаконны абарот наркотыкаў з мэтай збыту, здзейснены ў складзе арганізаванай групы, следчыя распачалі крымінальную справу.

Кур’ерам пагражае да 20 гадоў пазбаўлення волі. У МУС удакладнілі, што затрыманыя — раней судзімыя.

Звязда, 12 лістапада 2023